Н.Мадуро ОХУ-д хийсэн айлчлалаа өндрөөр үнэлжээ
Венесуэлийн Ерөнхийлөгч Николас Мадуро ОХУ-д хийсэн айлчлалаа амжилттай болсон хэмээн үзэж, тус улсын Ерөнхийлөгч Владимир Путинтэй хийсэн яриа хэлэлцээгээ өндрөөр үнэлснээ "Твиттер” хуудсаараа дамжуулан мэдэгджээ.
"Ерөнхийлөгч В.Путинтэй бид хамтын ажиллагааны стратеги төлөвлөгөөг баталсан. Гайхалтай үр дүнд хүргэх замын эхлэлийг бид тавьсан учир Оросоос би маш баяртай буцаж байна. Ерөнхийлөгч В.Путинд талархлаа” хэмээн тэрбээр мэдэгдсэн байна.
Венесуэлийн Ерөнхийлөгч ОХУ-д өнгөрсөн мягмар гарагт хүрэлцэн ирсэн юм. Лхагва гарагт тэрбээр ОХУ-ын Ерөнхийлөгчтэй яриа хэлэлцээ хийжээ. Оросын эрх баригчид Венесуэлийн бүхий л хууль ёсны эрх бүхий байгууллагуудыг дэмжинэ гэдгийг Ерөнхийлөгч В.Путин уулзалтын үеэр цохон тэмдэглэжээ.
Сэтгэгдэл байхгүй байна.