БАЯНХОНГОР СУМАНД 1200 ХҮҮХДИЙН СУРГУУЛЬ АШИГЛАЛТАД ОРНО
Баянхонгор аймгийн Нэгдүгээр 10 жил буюу одоогийнхоор "Номундалай" цогцолбор сургуулийн шинэ барилгын ажил 2019 оны зургаан сараас эхэлсэн.1200 хүүхдийн багтаамжтай тус сургуулийн барилгыг энэ ондоо багтааж ашиглалтад оруулахаар төлөвлөгөөний дагуу ажиллаж байна. Шинээр ашиглалтад орох сургууль9000 гаруй метр кв талбайг эзэлнэ. Дотроо хоёр спорт заал, урлагийн заал, стандарт гал тогоо, зоогийн газартай байх зэргээр орчин үеийн шийдэл, сурагчдын тав тухтай байдлыг бүрэн хангах зураг төсөв хийжээ.
Номундалай цогцолбор сургуулийн одоогийн байгаа барилга 1964 онд ашиглалтад орж өдгөө 55 дахь жилтэйгээ золгож буй юм. Иймд тус сургуулийн барилгын ашиглалтын хугацаа дууссан гэсэн мэргэжлийн байгууллагын дүгнэлт гарчээ. Тиймээс БСШУСЯ-ны захиалгаар Барилгын хөгжлийн төв техникийн хяналтыг хийж, "Хашгоёо” компани барилга угсралтын ажлыг гүйцэтгэж байна. Барилгын төсөв улсын төсөвт бага хэмжээгээр хуваагдаж тусгагдсан учраас барилга угсралтын ажил удаашрах нөхцөл үүсээд байсан байна. Тиймээсгүйцэтгэгч компани болох Хашгоёо компани сургуулийн барилгын ажлыг төлөвлөгдсөн хугацаанд нь хийж гүйцэтгэхээрөөрсдийн хөрөнгөөр барилгын ажлыг үргэлжлүүлж байгаа аж.
Сэтгэгдэл байхгүй байна.