Сонгуулийн саналын хуудас, санал тоолох төхөөрөмжийг орон нутагт хуваарилж байна
СЕХ-ноос УИХ-ын ээлжит сонгуулийн саналын хуудас, санал тоолох "New Image Cast” төхөөрөмжийг 21 аймгийн Сонгуулийн хороонд маргааш буюу энэ сарын 16-нд хүлээлгэн өгч дуусна.
Саналын хуудас, санал тоолох төхөөрөмжийг энэ сарын 11-нээс эхлэн аймгуудад хуваарилж эхэлсэн. Одоогоор 12 тойргийн материалыг хүлээлгэн өгөөд байна.
Ташрамд дурдахад, саналын хуудсыг улсын бүртгэлийн байгууллагаас гаргасан сонгогчийн тоонд үндэслэн хэвлүүлдэг нийт сонгогчдын 5 хувьтай тэнцэхүйц хэмжээний нөөцтэйгөөр хэвлүүлдэг. Энэ удаад сонгогчдын нэрсийн жагсаалтад 2 сая 132 мянга 239 сонгогч бүртгэгдсэн байна. Харин санал тоолох "New Image Cast” төхөөрөмжийг Монгол Улс 2012 оноос хойш УИХ-ын хоёр, орон нутгийн хоёр, ерөнхийлөгчийн хоёр сонгуулийн саналыг тоолоход ашигласан юм.
Сэтгэгдэл байхгүй байна.