Ноён Бондгорын 200 саяын уралдаанд 1000 гаруй хүн бичлэг илгээжээ
Ноён Бондгор нэрээр олонд танигдсан дуучин Ц.Амарбаяр 200 сая төгрөгийн шагналын сантай дууны уралдаан зарлажээ.
Ноён Бондгорыг нийгмийн хариуцлагаа өндөр ухамсарладаг дуучдын нэг гэдэг. Тэрбээр өмнө нь 3500 нэмнээ оёж, малчдад тараан, Ганга нуурын эрэг дагуу 35 мянган мод суулгаж байсан бол ээжүүдэд чиглэсэн нэлээд олон сайн үйлсийн аян санаачилж байжээ.
Харин энэ удаа түүний эхлүүлсэн уралдааны шагналын сан өндөр тул сошиал хэрэглэгчид Ноён Бондгорыг Ерөнхий сайд У.Хүрэлсүхтэй зүйрлээд амжжээ.
Ерөнхий сайд айл өрхийн ус, хог, дулаан, халаалтын үнийг тэглэсэн бол Ноён Бондгор цар тахлын үед 200 сая төгрөгийн шагналын сантай уралдаан зарласан нь урлаг сонирхогчдод дэмжлэг болно гэж тэр бололтой.
Уралдаанд оролцохоор 1000 гаруй хүн "Ноён бондгор” пэйж хуудсанд түүний дууг дуулсан бичлэгээ илгээжээ. Тэдэн дунд Халимаг, Тува, Өвөр Монгол, АНУ-аас ч оролцож байгаа хүмүүс байгаа аж.
Уралдааны шагнал
"ШҮРТ” хотхонд 1 өрөө байрны урьдчилгаа өгөхийн зэрэгцээ 5 жилийн хүүгүй хувь лизингээр БАЙРТАЙ болох боломжийг олгоно.
"КОМ ТАВИЛГА” ХХК-иар 5 сая төгрөгийн тавилга хийлгэх эрх бэлэглэнэ.
”OSPRING Mongolia" ХХК 3 сая төгрөгийн бүтээгдэхүүнээр бэлэг барина.
Дуучин Б.Болдбаатар хурдан удмын даага болон хургатай хонь бэлэг болгоно.
"ТҮМЭН ТОРГО” ХХК 3 сая төгрөгийн хос дээл бэлэг болгож өгнө.
"КОНТАС" цагны дэлгүүрээс 3 сая төгрөгийн титанан ган "SIECO” брэндийн хос цаг бэлэглэнэ.
"ХӨСӨГТӨН ТЭРЭГ” ХХК 500.000 төгрөгтэй тэнцэх бэлгийг 3 хүнд бэлдсэн байна.
"ГҮНЦЭГ” ХХК 300.000 төгрөнийн хонь, үхэр, адууны гараар татсан махтай бууз, банш зэхжээ.
Сэтгэгдэл байхгүй байна.