ЭМЯ-нымэргэжилтнүүд Covid-19-ийн нөхцөл байдлын талаарх долоо хоногийн нэгдсэн мэдээллийг хүргэлээ. Эрүүл мэндийн сайдын зөвлөхО.Батбаярын мэдээллэснээр Монгол Улсаас Өмнөд Солонгос руу өнөөдрийн /2022.02.18/ нислэгээр гурван эерэг тохиолдол бүртгэгдсэн. Үүнтэй холбоотойгоор БНСУ-ын онцгой комисс хоёрдугаар сарын 17-ноос хоёрдугаар сарын 23-ныг хүртэл манай улсаас иргэд хүлээж авахгүй гэдгээ мэдэгдсэн байна. Иймээс иргэд зөвхөн ХӨСҮТ-д шинжилгээ өгөх зохицуулалтыг хийжээ.

Өнөөдрийн байдлаар 18 мянга гаруй хүн гэрийн нөхцөлд эмчлүүлж байна. 5500 гаруй хүн халдварын улмаас эмнэлэгт хэвтэн эмчлүүлж байна. Хэвтэн эмчлүүлж буй иргэдийн 9.9 хувь нь эмнэлзүйн нэн хүнд, хүнд хэлбэрээр өвджээ. Эдгээр хүмүүсээс тандан судалгаа авахад өндөр настай, вакцины нэмэлт тунд хамрагдаагүй иргэд дийлэнх хувийг эзэлж байна. Иймээс иргэд дархлаажуулалтын нэмэлт тунгийн талаар зохистой зөв мэдээллийг авч, өөрсдийн шийдвэрээр нэмэлт тунд хамрагдахыг Эрүүл мэндийн байгууллага, эмч мэргэжилтнүүдээс зөвлөж байна.

Өнөөдрийн байдлаар 402 эмэгтэй, 1200 гаруй хүүхэд Covid-19 халдварын улмаас хэвтэн эмчлүүлж байна. Өмнөх долоо хоногоос хэвтэн эмчлүүлж буй хүүхдийн тоо буураагүй байгааг санууллаа.