Х.Нямбаатар: Б.Махбалд Ерөнхийлөгч ямар үндэслэлээр уучлал үзүүлснийг мэдэхгүй байна
ТХЯ-ны удирдах албан тушаалтнаар ажиллаж байхдаа хүний амь насыг хохироосон гэх хэргээр ял эдэлж байсан Б.Махбалыг өчигдөр хугацаанаас нь өмнө сулласан асуудал олон нийтийн дунд шүүмжлэл дагуулаад байна. Тэгвэл уг асуудлаар Хууль зүй дотоод хэргийн сайд Х.Нямбаатар дараах байр суурийг илэрхийллээ. Тэрээр "Анхан шатны шүүхээс Б.Махбалд 13 жилийн хорих ял оноосон. Ерөнхийлөгч түүний ялаас нэг жил 11 сар 21 хоногийг нь уучилсан. Монгол Улсын Үндсэн хуульд заасан Ерөнхийлөгчийн өөрт байгаа бүрэн эрхэд уучлал үзүүлэх эрх нь байгаа. Ерөнхийлөгч ямар үндэслэлээр уучлал үзүүлсэн талаар тайлбарлаж мэдэхгүй байна. Хуульд ямар хэрэгт Ерөнхийлөгч уучлал үзүүлж болох эсэх тухай зохицуулалт бий. Хүн төрөлхтний эсрэг гэмт хэрэг үйлдсэн тохиолдолд өршөөл уучлал үзүүлж болохгүй гэдэг олон улсын конвенцыг мөрдөж байгаа” гэлээ.
Б.Махбалыг сулласан үндэслэлийг тайлбарласан шүүхийн мэдээллийг бид өмнө нь хүргэсэн билээ.
Сэтгэгдэл байхгүй байна.