"МУ-ЫН ДУЛААН ХАНГАМЖИЙН СИСТЕМД СЭРГЭЭГДЭХ ЭРЧИМ ХҮЧИЙГ АШИГЛАХ ШИЙДЭЛ” СЭДЭВТ СЕМИНАР ЗОХИОН БАЙГУУЛАГДЛА
Тус семинарт Эрчим хүчний яамны Дэд сайд М.Баярмагнай, Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа, Эрчим хүчний зохицуулах хорооны дарга Э.Түвшинчулуун, "Улаанбаатар дулааны сүлжээ" ТӨХК-ийн Ерөнхий инженер Ш.Мөнхжаргал тэргүүтэй эрчим хүчний салбарын нийт 90 орчим удирдах албан тушаалтнууд оролцсон юм.
Монгол улсын дулаан хангамжийн стратегийн төлөвлөгөөний зорилго нь тус улс нь 100 хувь нүүрсээр хангагдаж байгаа дулаан хангамжийг 2050 онд сэргээгдэх эрчим хүч рүү хэрхэн шилжүүлэх боломжийг харуулахад оршиж байгаа юм. Энэхүү төслийг Улаанбаатар хотын дулаан хангамжийн одоо байгаа болон өсөн нэмэгдэх барилгын дулааны хэрэглээний шинжилгээ, мөн эрчим хүчний системийн нарийвчилсан судалгаа тооцоог үндэслэсэн боловсруулсан болно.
Хэлэлцүүлэг семинараар Монгол улсын сэргээгдэх эрчим хүчний эх үүсвэрт суурилсан дулааны стратегийн төлөвлөгөөний гол үр дүн, зөвлөмжид тулгуурлан төрийн болон орон нутгийн засаг захиргаа, төвлөрсөн дулаан хангамжийн компаниуд, дулааны цахилгаан станцууд, дулааны тоног төхөөрөмж нийлүүлэгчид, эдийн засаг болон хөгжлийн түншүүд, санхүүгийн байгууллагууд зэрэг янз бүрийн оролцогч талууд сэргээгдэх эрчим хүч давамгайлсан төвлөрсөн дулаан хангамжийг хэрэгжүүлэхэд ямар оролцоотой байж болох талаар саналуудыг хэлэлцлээ.
Сэтгэгдэл байхгүй байна.