Ц.Баатарсайханы хүү Б.Амарсайхан 20 жилийн турш 192 тэрбумын хөнгөлөлттэй зээл авсан
Ц.Баатарсайханы хүү Б.Амарсайхан 20 жилийн турш 192 тэрбумын хөнгөлөлттэй зээл авсан "Говь" ХК-ийнх нь Гүйцэтгэх захирал. Монгол Улсын Хөгжлийн банк ноолуур боловсруулах салбарыг бодлогын түвшинд дэмжих чиглэлээр үе үеийн Засгийн Газраас хэрэгжүүлсэн удаа дараагийн хөтөлбөрүүдийн хэрэгжилтийг хангахад оролцож, санхүүгийн эх үүсвэрээр ханган ажилласаар ирсэн. Анх 2012 оноос эхлэн дотоодын ноос ноолууран бүтээгдэхүүн үйлдвэрлэгчдийг дэмжих, эргэлтийн хөрөнгийг нэмэгдүүлж, хөрөнгө оруулалтыг сайжруулан тоног төхөөрөмжийг шинэчлэх, эцсийн бүтээгдэхүүн экспортлох явдлыг дэмжих зорилгоор шууд болон арилжааны банкуудаар дамжуулан зээл олгож эхэлсэн байдаг.
Тэгвэл энэхүү хөтөлбөрт тасралтгүй 20 жил хамрагдагдсан компани бол Ц.Баатарсайханы Говь ХК. Говь компани 2013 оны аравдугаар сарын 15-нд 5 тэрбум, 2014 онд оны гуравдугаар сарын 3-нд 2 тэрбум, мөн оны 8 сарын 11-нд 630 сая, 12 дугаар сарын 31 8 тэрбум, 2015 оны тавдугаар сарын 7-нд 3 тэрбум есдүгээр сарын 16-нд 12 тэрбум гээд нийт 31,5 тэрбум төгрөгийг Ноолуур хөтөлбөрийн хүрээнд Говь болон охин компани Дулаан гэр компани тус тус авсан нь ил болсон юм. 2018 онд 48 тэрбум, Гоёо компанийн нэрээр 30 тэрбум, 2019 онд 42 онд тэрбум, 2020 онд 40 тэрбум. Нийт 2013-2020 оны хугацаанд Хөгжлийн банкнаас 192,5 тэрбум төгрөг авсан байв. УИХ-ас байгуулагдсан Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсголын үеэр тус компанийн зээлийн зарцуулалттай холбоотой хэд хэдэн баримт дэлгэгдсэн. Говь компани эргэлтийн хөрөнгийн зориулалтаар авсан зээлийнхээ 17 тэрбум төгрөгөөр "Таванбогд трейд" болон "Таванбогд фүүдс пицца" компанийн зээл өрийн төлбөрийг төлсөн. Мөн зээл үйлдвэрийн тоног төхөөрөмжийг шинэчлэх хөтөлбөрийн хүрээнд олгогдсон зээлийг хадгаламжийн дансандаа байршуулсан байгаа юм. Өмнөх зээлээ дараагийн зээлээрээ хаадаг гээд анхаарал татсан баримтууд олон нийтийн шүүмжлэлийг дагуулсан нь 2023 оны явдал юм.
Жич: Ц.Баатарсайхан 800 сая долларын хөрөнгөтэй гэгдэн монголын тэргүүн баячуудын жагсаалтын 7-рт бичигдэж байсан. Одоо урагшлаа байлгүй. Ард түмэн үр хүүхдээ цалингийн зээл, өрөөр өсгөж байна гэчихэд буруудахгүй. Атал эд хөнгөлөлттэй зээл авч эргүүлсэн шигээ тэргүүн баян, хүүхэд нь томчуудын хүүхэд ч гэх шиг. Нохой долоо. Төр идсэн компанидаа хүүхдээ захирлаар тавиад гоё амьдарч байгаа юм шүү.
Жичийн жич: Баян гэр бүлүүд нийлээд хохирогчид 450 сая төгрөг өгье гэсэн. Хүний 450 байсан ч тэргүүн баячуудад юу ч биш байлгүй. Одоо битгий давар аа, та нар. Яг нарийндаа Ц.Баатарсайханы баян нь энэ мэт төрийн хөнгөлөлт зээл юм бол бид нарын татварын мөнгө ч дотор нь бий бус уу. Бусад бизнес нь яаж хөлжсөнийг ухвал бас сонирхолтой зүйл гарна. Ингэж тэргүүн баян болдоггүй юмаа зүгээр. Ичиж амьдар.
Говь ХК-аар Ц.Баатарсайхан 2021 онд Хөдөлмөрийн баатар авсан байдаг. Төр өөрөө бизнесийг нь зээлээр угжаад дэмжээд бойжуулаад яасан ч гэж өгдөг юм Хөдөлмөрийн баатар алдрыг. Зээл яах вэ бүгд авдаг төлдөг. Ядаж үр хүүхдээ аятайхан өсгө. Нэг л их баярхсан аархсан сагсуу ...
Eр нь төр иргэдэд шүлс шиг жаахан халамжийн мөнгө, ногдол ашиг, хувьцааны мөнгө тараахаар иргэд авсан биш улны гуйлгачин нэр зүүчихдэг. Гэтэл эд нар төрийн мөнгөөр угжуулаад тэрбумтан төгрөг долларын саятан Хөдөлмөрийн баатар. Хүүхдүүд нь хүний нүүрийг бүтэн ясгүй болтол дэвсээд аав ээж нь бидний чөмгөө дундартал ажиллаж төлсөн татварын мөнгийг төрөөс зээлээд сорчихдог ч байх шиг. Үйлийн үр нь ирж төрийн мөнгөөр угжиж өсгөсөн хүүхэд нь эцгийнхээ бүх но г ухуулах юм байна. Энэ хүү нь зугтсан гэсэн үү?! Ц.Баатарсайхан гөлөг шиг төөрүүлээд байна уу биднийг. Бүгд гарч ирээд ядаж уучлал гуйчих сэтгэлтэй баймаар сан.
Таван богд групп бузар баян зөвхөн Говь нь гэхэд энэ шүү дээ. Ц.Баатарсайхан Д.Хулан нар группээ хөлжүүлсэн шигээ хүүхдээ зөв хүмүүжүүлж чадсангүй дээ.
Д.Сэргэлэн
/Grandnews.mn/
Сэтгэгдэл байхгүй байна.