Miss international-2014 наадмын гранпри ёслол  өчигдөр Японы нийслэл Токио хотноо болж өнгөрлөө. Энэ удаа Филиппиний гоо бүсгүй Беа Роус Сантиагогийн титмийг Пуэрто Риког төлөөлөн оролцсон Валере Хернандез хүртсэн байна. Асуулт хариултын үед Пуэрто Рикогийн мисст "Миссийн титмийг зүүвэл дэлхий нийтэд ямар мессэжийг хүргэхийг зорьж байна” гэсэн асуулт таарчээ.

Харин тэрбээр "Миссийн титэм зүгээр ч нэг титэм биш. Маш их хариуцлага. Хэрвээ би тэргүүн миссийн титмийг зүүвэл  хайр, энх тайван, эв нэгдлийг түгээхийг хүсч байна” гэж хариулсан байна. Харин шилдэг аравт манай улсыг төлөөлөн оролцож буй А.Баярцэцэгийн нэр багтаж магадгүй гэх найдлага байсан ч энэ удаа талаар боллоо.

Түүнчлэн, нэгдүгээр байрт Колумбийн гоо бүсгүй Зулейка Суарез, хоёрдугаар байрт, Тайландын гоо бүсгүй Пуника, гуравдугаар байрт, Их Британийн гоо бүсгүй Викториа, дөрөвдүгээрт, Финляндын Милла Ромппанен нар тус тус бичигджээ. Мөн шилдэг үндэсний хувцас төрөлд Индонез, Нөхөрсөг Миссээр Колумбын мисс, Miss Internet Beauty төрөлд Энэтхэгийн гоо бүсгүй, Miss Perfect Body төрөлд Францын мисс, Miss Best Dresser төрөлд Колумби тус тус шалгарчээ.