Хамгийн ахмад оюутан 102 насандаа доктор хамгааллаа
Германы иргэн, 102 настай Ингеборг Рапопорт 1937 онд бичиж байсан докторын ажлаа дөнгөж хэдхэн хоногийн өмнө хамгаалж, дипломоо авлаа. Уг нь түүний дипломын ажлын явц ийм удаашрах ёсгүй байсан ч Германы тухайн үеийн дайн, тулааны өөрчлөлтөөс болж саатжээ. Гэхдээ дайны дараа ч тэр докторын зэрэгт хялбар хүрсэнгүй. Түүнийг нацист германы засаглалыг дэмжиж байсан гэх шалтгаанаар дипломын ажлыг нь найман удаа буцааж байсан ч ийнхүү 80 жил хүлээсэн боловсролын зэргээ өөрийн болгожээ. Түүний ээж төгөлдөр хуурч, еврей хүн байсан гэнэ. Тиймдээ ч дайны жилүүдэд гэр бүл, эцэг эхээсээ хагацаж хүнд хэцүү зовлон бэрхшээл туулсан байдаг гэнэ. Харин тэр докторын шалгалтаа өгөх үедээ Адольф Гитлерийн эсрэг үзэл санааны семитик хууль санаачлах аман шалгалт өгөхөөс татгалзсан байна. Удаан хугацаанд докторын ажлаа гүйцэлдүүлж чадахгүй байсан түүнд Хамбургийн их сургуулиас урилга ирж, диплом хамгаалах шалгалтанд орохыг санал болгосноор хатагатай Ингеборг ямар ч асуудалгүй "онц” дүн авчээ. Т.Бат
Сэтгэгдэл байхгүй байна.