Италийн  кино найруулагч "Марко Поло” 10 ангит кино хийж, Мөнх хааны отгон хүү Аригбөхийн дүрд жүжигчин Б.Амарсайхан тоглосон. Холливудад мөрөө гаргалаа, киноныхоо нээлтэнд явлаа гэж 2014 онд шуугиулж, оны онцлох хүнд ч "Холливуд” Амараа багтсан. Араас нь олон "Марко Поло” кинонд тоглохоор сонгогдсон. Жүжигчин Цэгмид "Марко Поло” кинонд тоглоно. Тэрбээр СГЗ "хаан хоолойт” Чулуунбат гуайн гэргий, туслах дүрийн гэж алдаршсан жүжигчин.
Саяхан болж өнгөрсөн "Mongolian academy awards” наадмаас шилдэг эрэгтэй гол дүрийн шагналыг "Аав” киногоороо авсан жүжигчин Ц.Цэрэнболд "Марко Поло” кинонд тоглохоор болжээ. МУСТА А.Цэгмэд  "Марко Поло” цувралд тоглох болсон тухайгаа тус наадмын үеэр мэдэгдсэн юм. Жүжигчин Ц.Цэрэнболдын хувьд "Марко Поло” цувралын хоёрдугаар бүлэгт Сорхугтани бэхи хатны эцэг Жаха Хамбугийн дүрд тэнцсэн гэнэ. Тус кинонд монгол хэлээр тоглох гурван гол дүр байгаа бөгөөд олны хэсэг болон орлон тоглох 70 гаруй хүнийг шалгаруулах аж. Жүжигчин Ц.Цэрэнболд Амарсайханаас илүү монгол төрхтэй, сайхан дуутай болохоор Холливудад илүү "үнэ” хүрч магад гэж үзэгчид өмнөөс  нь баярлаж байна.