УИХ-ын гишүүн Г.Уянга Ерөнхий сайд асан С.Баярын талаар ноцтой баримт дэлгэж, АТГ-т шалгуулахаар хандсан юм. Тус газраас С.Баярын хөрөнгө орлогын мэдүүлгийг шалгаж дуусчээ.

АТГ-аас хариу мэдээллийг Г.Уянга гишүүнд ирүүлээд байгаа гэнэ. Тэрээр өнгөрсөн дөрөвдүгээр сард Ерөнхий сайд асан С.Баярын талаар АНУ-д үл хөдлөх х өрөнгөөр мөнгө угаасан байж болзошгүй баримтыг дэлгэсэн юм. 12 сая ам.доллар буюу 24-25 тэрбум төгрөгөөр үнэлэгдэх долоон байрны зураг бүхий мэдээллийг өгч байв.

УИХ-ын гишүүн Г.Уянга энэ тухай уг хөрөнгийг С.Баярын "Оюутолгой”- н гэрээг эхлүүлсэнтэй холбон тайлбарлаж байсан юм. Тэрээр "Энэ мэдээллийг хараад надад итгэл үнэмшил төрсөн.

Ерөнхий сайд саяхан мэдэгдэл хийхдээ Оюутолгойд нэмж 4.2 тэрбум долларын зээл авахыг нь зөвшөөрч, далд уурхайн хөрөнгө оруулалтыг эхлүүлнэ гэсэн. Оюутолгойн гэрээ байгуулагдах энэ үе шат асар том авлигатай холбогдсон бол энэ гэрээ хүчингүй болох хангалттай үндэслэл байгаа” гэж байсан юм.