Манай улс сүүлийн жилүүдэд махны экспортоо өсгөх бодлого барин ажиллаж байгаа. Салбар яамнаас гаргасан судалгаагаар жилд 10 сая орчим мал нядалж, экспортод гаргах боломж манайд бий.

Энэ жил есөн аж ахуйн нэгж мах, махан бүтээгдэхүүн экспортлох эрх авчээ.  Харин өнгөрсөн оны хувьд Монгол Улс ОХУ-д 2000 гаруй тонн, БНХАУ-д 780 тонн мах, махан бүтээгдэхүүн нийлүүлсэн байна.

Мөн энэ сард Мэргэжлийн хяналтын ерөнхий газрын дарга Ш.Раднаасэд, БНХАУ-ын Чанарын хяналт шалгалт, хорио цээрийн ерөнхий газрын дэд сайд У Цин Хай нар хамтын ажиллагааны протоколд гарын үсэг зурсан. Ингэснээр Монголын аж ахуйн нэгжүүд урд хөршид адууны махан бууз, банш, адууны ясны гурил, дулааны аргаар боловсруулсан үхэр, хонь, ямааны мах, махан бүтээгдэхүүн экспортлох боломж нээгдсэн юм. Ийнхүү тус улсад мах экспортлох аж ахуйн нэгжүүдийн уулзалт өнөөдөр болсон байна.