Манай улс урд хөрштэй эрчим хүчний салбарт хамтарч ажиллах ажлын хэсгийг байгуулсан бөгөөд анхдугаар уулзалтыг өнгөрсөн жил Бээжин хотод зохион байгуулсан. Хоёрдугаар уулзалтыг өчигдөр Улаанбаатар хотод эхлүүллээ. Уг уулзалтаар Монгол Улсын эрчим хүчний дотоод сүлжээг шинэчлэн сайжруулахын зэрэгцээ экспортод чиглэсэн асуудлыг хөндсөнөөрөө онцлогтой байв. Энэ чиглэлээр хоёр яамны төвшинд бодлогын зохицуулалт хийх хэрэгтэй гэдгийг хоёр орны эрчим хүчний яамдын төлөөлөл онцоллоо. Монгол Улс эрчим хүч, сэргээгдэх эрчим хүчний асар их нөөц ирээдүйтэй. Иймээс эрчим хүч экспортлох төлөвлөгөөтэй байгаа аж. Үүнийг дагаад хүчин чадал ихтэй, экспортод гаргах зориулалттай цахилгаан дамжуулах өндөр чадалтай шугам барих зэрэг асуудалд анхаарлаа хандуулж судалгаа шижилгээ хийж байна.