Шар айраг, вискиг тогтмол хэрэглээд 110 наслажээ
Америкийн Нью-Жерси мужийн оршин суугч нэгэн эмэгтэй урт удаан насласныхаа нууцыг байнга согтууруулах ундаа хэрэглэж байсантайгаа холбон тайлбарлажээ. Гурав хоногийн өмнө 110 насны ойгоо тэмдэглэсэн Агнес Фентон гэдэг энэ эмэгтэй сүүлийн 70 жилийн туршид өдөр бүр гурван аяга шар айраг, 100 грамм виски уудаг байснаа хэлэв. Хар арьст энэ эмэгтэйн биеийн эрүүл мэнд дажгүй байгаа бөгөөд сонсгол, хараа нь маш сайн гэнэ.
Хэдэн арван жилийн тэртээ эмч нар түүнийг хоргүй хавдартай гэж оношлоод хавдрыг нь хөөхийн тулд шар айраг уухыг зөвлөжээ. Эмгэн саяхныг хүртэл өдөр болгон шар айраг уудаг байв. Гэхдээ сүүлийн жилүүдэд эмч нар согтууруулах ундаанаас татгалзахыг хүссэн аж. Нас ахих тусам хоол унд идэх хэрэгцээ нь ч багасчээ. Мөн энэ эмгэн залбирал үйлдэж, нойрсохын чухлыг онцлов. Дээр нь тэрбээр сонин уншиж, радио сонсож, найзуудтайгаа ярилцаж суух дуртай аж.
Дэлхий дээр амьдарч буй долоон тэрбум гаруй хүний ердөө 600 орчим нь буюу 10 сая хүний нэг нь 110 насыг зооглодог гэнэ
Сэтгэгдэл байхгүй байна.