Английн хөлбөмбөгийн "Манчестер Юнайтэд” багийн ахлах дасгалжуулагч Луи ван Галь Германы "Бавария”-гийн хагас хамгаалагч Томас Мюллерыг өөрийн болгох оролдлогоо орхихгүй байгаа аж. 

"МЮ” баг герман тоглогчид 50 сая еврогийн үнэ бүхий таван жилийн хугацаатай гэрээг санал болгожээ. Ингэснээр Мюллер бүх татварыг хасаад жилд 10 сая еврог гар дээрээ авах юм. 

Харин "Бавария”-д Мюллер татвараа оролцуулаад жилд 8.5 сая еврогийн цалин авдаг билээ. Ийнхүү Англид очвол түүний цалингийн хэмжээ бараг хоёр дахин нэмэгдэх боломжтой гэнэ. 

Энэ зун улаан чөтгөрүүдийн бүрэлдэхүүнд "Бавария”-гийн бас нэг мундаг тоглогч болох Бастиан Швайнштайгер мөн багтсан аж.