Монголд такси барихад учирдаг түгээмэл бэрхшээлийн нэг нь тооцоо хийх явдал. Таксины жолооч нар тооцоолсноос олон км хэлж, өндөр үнэ нэхэх нь бий. Тэгвэл такси барих үедээ хэдэн км явснаа тодорхойлдог Taxidyoo үндэсний аппликэйшн гарчээ.

Та энэ аппликэйшнийг гар утсандаа татаж авсан тохиолдолд хэдэн км явсныг км тус бүрийн үнээр (800₮-өөр) автоматаар бодож гаргадаг байна. Ингэхийн тулд та такси барьж эхлэнгүүтээ аппликэйшнийг ажиллуулж эхлэх ёстой. Taxidyoo-г ашигласнаар та хэдэн км гарсан бэ гэж асуух эсвэл км-ээ тэглээд өгөөч гэх хүсэлтийг жолоочид тавих шаардлагагүй юм.

Энэхүү аппликэйшн нь хэрэглэхэд маш хялбар. Км тус бүрийг 800, 900, 1000 төгрөгөөр тооцох сонголтуудтай. Мөн км-ийг 100 метрийн нарийвчлалтай, тооцооны мөнгийг 100 төгрөгийн нарийвчлалтай гаргадаг аж. Өөрөөр хэлбэл бутархай гарч байгаа тохиолдолд, жишээ нь 1150 төгрөг гарч байгаа тохиолдолд автоматаар дээшээ бүхэлдэж 1200 төгрөг болох тохиргоотой байна.

Гайхалтай нь энэ апп явсан зам маршрутыг Google Map дээр харуулдаг юм.