Монголын тайз дэлгэцийн урлагт амьдралаа зориулж яваа тэр ч утгаараа олны хүндлэлийг хүлээж ирсэн урлагийн гэр бүлүүдийн нэгийг СТА жүжигчин О.Бат-Өлзий, МУГЖ жүжигчин С.Сарантуяа нарын гэр бүл гэдэгтэй маргах хүн гарахгүй байх. Анх "Boom town" хамтлагаас урлагийн гараагаа эхэлсэн УДЭТ-ын жүжигчин Б.Тамир жүжигчин аав, ээжийнхээ авьяасыг өвлөж авсан авъяаслаг нэгэн. Жүжигчин Бат-өлзийгийх хэдий урлагийн гэр бүлч гэлээ том хүү Тамирыг өөрсдийн мэргэжлийг эзэмшүүлэх дургүй байсан гэдэг. Нэг өдөр аав ээжийнхээ зөвшөөрөлгүй жүжигчний мэргэжил эзэмшсэн залуу маань "Гэгээн муза" наадмаас шилдэг туслах дүрийн шагнал авч өөрийнхөө хэр авьяастайг харуулаад амжсан. Сүүлийн хэдхэн жилийн хугацаанд нилээд олон дэлгэцийн бүтээлийг үзэгчиддээ хүргэсэн хөдөлмөрч залуу маань аль хэдийн сайн найруулагч болсон гэдгээ баталсан. Үзэгчид ч ам сайтай байгаа. Харин ойрын үед Brotherhood нэгдлийн залуустайгаа хамтран ирэх сарын 06-нд нээлтээ хийх "Том Толгойтын Романс" нэртэй шинэ кинонд дүр бүтээж байгаа гэнэ лээ. Тэгвэл жүжигчин залуу маань диско бааруудаар хэсч дарвиж яваа сурагтай. Бүр зарим нэг баар, клубууд Б.Тамирыг үймээн самуун тарьдагаас болоод үйлчлэх боломжгүй гээд буцаасан ч удаатай гэнэ. Олон түмний хайртай хүү арлын японы сумо бөхийн их аварга Д.Дагвадорж зодог тайлж ирсэнийхээ дараа нилээн хэдэн удаа аархаж хэсэг үймүүлсэн гэгддэг. Түүнтэй адил Б.Тамир залуу насны дэврүүн ааг омгоороо дэрвэж бас дарвиж явна уу даа...

Л.Мишээл

PHOTONEWS.MN