Энэтхэг Монголоос уран худалдаж авах хүсэлтэй байна
Э.УНДРАЛБАЯР
Монгол-Энэтхэгийн уул уурхайн салбарын санал солилцох уулзалт өчигдөр боллоо. Энэ нь хоёр орны уул уурхайн салбарынхны албан ёсны, анхны уулзалт гэдгээрээ онцлогтой.
Хоёр улсын уул уурхайн салбарын хамтын ажиллагааны эхний алхам болох эл уулзалтыг Бүгд Найрамдах Энэтхэг улсаас Монгол Улсад суугаа Онц бөгөөд Бүрэн эрхт Элчин сайд Сомнат Гошийн санаачилгаар зохион байгуулсан байна.
Уул уурхайн салбар тэр дундаа коксжих нүүрсний салбартай хамтарч ажиллахыг хүсч буйгаа Энэтхэг улсын Ерөнхий сайд Наренда Моди өнгөрсөн оны тавдугаар сард манайд айлчлахдаа онцолж байсан юм. Тэрээр "Бид Монголоос уран худалдаж авах хүсэлтэй байгаа бөгөөд ийм боломж байгаа эсэхийг судалж үзэхийг хүсье.
Мөн ураны орд газрыг ашиглах, хайгуул хийх, олборлохын хувьд хамтарсан үйлдвэр байгуулахад бэлэн байна. Газрын ховор элементийн чиглэлээр бусад гуравдагч түнштэй хамтарч ажиллах боломжтой гэж үзэж байна. Бидний харж буйгаар коксжих нүүрсний салбарт хамтран ажиллах нөөц боломж их байгаа. Энэтхэг улс коксжих нүүрсний томоохон хэрэглэгч тул цаашид Монголоос коксжих нүүрс нийлүүлэх боломжтой гэж үзэж байгаа болно.” гэсэн юм.
Тиймээс Энэтхэгийн Элчин сайдын яамнаас Монголын Уул уурхайн яамтай энэ талаар цаашид хэрхэн ажиллах тухай санал солилцох уулзалтын талаар Уул уурхайн сайд Р.Жигжид "Энэтхэг улс бол том зах зээл. Сүүлийн үед эдийн засаг нь тогтвортой, өсөлттэй байгаа улс.
Тиймээс бидний сонирхлыг их татаж байгаа. Эрдэс баялгийн үнэ унаж байгаа, манай улсын гол зах зээл болох БНХАУ-ын эдийн засгийн нөхцөл байдал, эрэлт буурсан энэ үед бидэнд шинэ зах зээл зайлшгүй хэрэгтэй.” гэв.
Уулзалтын үеэр "Монголын Алт” корпораци, "Эрдэнэс-Монгол” ХХК өөрсдийн төслийг танилцуулсан бөгөөд Энэтхэгийн Элчин сайдын яам төслүүдийг судалж үзээд Энэтхэгийн компаниудад танилцуулж хамтран ажиллах боломж бүрдүүлэхээ амлав.
Эх сурвалж: www.assa.mn
Монгол-Энэтхэгийн уул уурхайн салбарын санал солилцох уулзалт өчигдөр боллоо. Энэ нь хоёр орны уул уурхайн салбарынхны албан ёсны, анхны уулзалт гэдгээрээ онцлогтой.
Уул уурхайн салбар тэр дундаа коксжих нүүрсний салбартай хамтарч ажиллахыг хүсч буйгаа Энэтхэг улсын Ерөнхий сайд Наренда Моди өнгөрсөн оны тавдугаар сард манайд айлчлахдаа онцолж байсан юм. Тэрээр "Бид Монголоос уран худалдаж авах хүсэлтэй байгаа бөгөөд ийм боломж байгаа эсэхийг судалж үзэхийг хүсье.
Мөн ураны орд газрыг ашиглах, хайгуул хийх, олборлохын хувьд хамтарсан үйлдвэр байгуулахад бэлэн байна. Газрын ховор элементийн чиглэлээр бусад гуравдагч түнштэй хамтарч ажиллах боломжтой гэж үзэж байна. Бидний харж буйгаар коксжих нүүрсний салбарт хамтран ажиллах нөөц боломж их байгаа. Энэтхэг улс коксжих нүүрсний томоохон хэрэглэгч тул цаашид Монголоос коксжих нүүрс нийлүүлэх боломжтой гэж үзэж байгаа болно.” гэсэн юм.
Тиймээс Энэтхэгийн Элчин сайдын яамнаас Монголын Уул уурхайн яамтай энэ талаар цаашид хэрхэн ажиллах тухай санал солилцох уулзалтын талаар Уул уурхайн сайд Р.Жигжид "Энэтхэг улс бол том зах зээл. Сүүлийн үед эдийн засаг нь тогтвортой, өсөлттэй байгаа улс.
Тиймээс бидний сонирхлыг их татаж байгаа. Эрдэс баялгийн үнэ унаж байгаа, манай улсын гол зах зээл болох БНХАУ-ын эдийн засгийн нөхцөл байдал, эрэлт буурсан энэ үед бидэнд шинэ зах зээл зайлшгүй хэрэгтэй.” гэв.
Уулзалтын үеэр "Монголын Алт” корпораци, "Эрдэнэс-Монгол” ХХК өөрсдийн төслийг танилцуулсан бөгөөд Энэтхэгийн Элчин сайдын яам төслүүдийг судалж үзээд Энэтхэгийн компаниудад танилцуулж хамтран ажиллах боломж бүрдүүлэхээ амлав.
Эх сурвалж: www.assa.mn
Сэтгэгдэл байхгүй байна.