Нийслэлийн Баянзүрх дүүргийн 16 дугаар хороо, Амгалан хотхоны 16 дугаар байрны тавдугаар давхраас хүүхэд унах гээд байна гэсэн дуудлага өчигдөр Нийслэлийн Онцгой байдлын газарт иржээ.  

Дуудлагын дагуу тус газрын аврах ангийн найман алба хаагч шуурхай ажилласны дүнд зургаан настай Н болон нэг настай Н нарын хоёр бага насны хүүхдийг аварч, ар гэрийнхэнд нь хүлээлгэн өгсөн байна. 

Тухайн үед хүүхдүүд харгалзах хүнгүйгээр хоёулаа гэртээ цоожлогдон үлдсэн   байжээ. Тиймээс бага насны хүүхдийг харгалзах хүнгүйгээр гэртээ цоожилж үлдээхгүй байхыг нийслэлийн Онцгой байдлын газраас нийт ард иргэдэд анхааруулж байна.