Явган алхалт хавдраас сэргийлнэ
Явган алхалт олон төрлийн хавдарт өвчнөөс урьдчилан сэргийлж чадна гэж АНУ болон Европын хэсэг эрдэмтэд үзжээ. Тэд нийтдээ 144 сая хүн оролцсон 12 судалгааны дүн мэдээлэлд шинжилгээ хийсэн байна. Тэгтэл идэвхтэй хөдөлгөөнд байдаг хүмүүс хавдрын 26 төрлөөс 13-ыг нь тусах магадлал хамгийн багатай байсан гэдгийг судлаачид олж илрүүлжээ. Дүн шинжилгээгээр биеийн идэвхтэй хөдөлгөөнд оршдог хүмүүс долоон төрлийн хавдар тусах магадлал 20 хувиар бага байдаг нь тодорхой болов.
Судлаачид биеийн идэвхтэй хөдөлгөөн болон бүдүүн гэдэс, хөхний хавдар тусах магадлал бага байдаг зэргийн холбоог нотолсны дээр нэмж 10 өөр төрлийн хавдрын өвчнийг уг жагсаалтад оруулсан аж. Ходоод гэдэс, элэг, бөөр, цусны хорт хавдар тусах магадлал явган алхдаг хүмүүст бага байдаг нь тодорхой болжээ.
Харин тархи, хүзүү, шулуун гэдэс, шээс дуслын эрхтэний хавдрын үед явган алхалт төдийлөн үр дүнтэй биш болох нь тодорхой болов. Уушгины хорт хавдартай, тамхийг ихээр татдаг хүмүүс явган алхвал нэн тустай гэнэ. Тэгэхээр биеийн идэвхтэй хөдөлгөөнд оршдог хүмүүс хавдарт нэрвэгдэх магадлал бага байдаг гэсэн таамаглал ийнхүү нотлогдож байгаа юм.
Сэтгэгдэл байхгүй байна.