Сонгуулийн Ерөнхий хорооноос Төрийн ордонд мэдээлэл хийлээ. УИХ-ын 2016 оны энэ удаагийн сонгуульд 12 нам, гурван эвсэл 69 бие даагч буюу нийт 498 нэр дэвшигч бүртгүүлжээ.

 

 

Намаар нь ангилбал, МАН-аас 76, АН 76, "Тусгаар тогтнол эв нэгдэл эвсэл”-ээс 44,  ИЗНН-аас 15, "Монголын уламжлал”-ын намаас 11,  "Эрх чөлөөг хэрэгжүүлэгч” намаас 9,  МАХН-71 нэр дэвшигч тус тус бүртгүүлсэн байна. Энэ талаар Сонгуулийн Ерөнхий хорооны нарийн бичгийн дарга Ц.Болдсайхан "МАХН-ын 76 хүнээс 71-ийг нь бүртгэж таван хүнийг бүртгэхээс татгалзсан. Энэ хүмүүсийн хувьд материал дутуу байсан. Хуулийн хугацаанд амжиж таван хүнийхээ хоёрынх нь оронд нэр дэвших хүний нэрийг бүртгүүлсэн тул тэдний нэрийг бүртгэж авсан" гэлээ.

 

Жендерийн хувьд нийт нэр дэвшигчдийн 129 нь буюу 25,9 хувь нь эмэгтэй аж. Аймаг нийслэлээр нь авч үзвэл аймгийн тойргуудад 215, нийслэлд 283 нэр дэвшигч бүртгэгджээ.