АНУ-ын Ерөнхийлөгчийн сонгуульд Бүгд найрамдах намаас нэр дэвшигч Тед Круз гуравдугаар сарын 23-нд кампанит ажлаа эхэлснээс хойш нийт 51 сая ам.долларын хөрөнгө босгосон талаар түүний сонгуулийн хорооноос мэдээллээ.

Түүнчлэн энэ хугацаанд нийт 175 мянган хүн дунджаар 81 ам.долларын хөрөнгө хандивласан болохыг мэдэгдэлдээ онцолжээ. Харин II улирлын хөрөнгө босголтын тайлангаа кампанит ажлын хорооноос нь долдугаар сарын 15-ны дотор танилцуулах хүлээлттэй байна.

Бусад нэр дэвшигчдийн босгосон хөрөнгөөс дурдвал Ардчилсан намаас нэр дэвшигч Хиллари Клинтон кампанит ажлаа эхэлснээс хойш 45 сая ам.доллар, Бүгд Найрамдах намаас нэр дэвшигч Бен Карсон 8.3 сая ам.долларыг цуглуулжээ.