Колумб хэсгээ тэргүүлж эхэллээ
Америкийн цомын тэмцээний хоёрдугаар тойргийн тоглолтууд өнөөдөр эхэллээ. Дөнгөж сая А хэсгийн хоёрдугаар тойргийн тоглолтууд болж, Колумб 6 оноотой боллоо. Эхний тойрогтоо АНУ-ын шигшээг Колумбын шигшээ баг энэ удаад "Парагвай”-тай тулж, 2:1-ээр буулгаж авлаа.
Тоглолтын 12 дахь минутад Бакка тооны харьцааг нээсэн бол 30 дахь минутад Хамес Родригес Америкийн цомын хоёр дахь гоолоо оруулсан. Тэгвэл Парагвайгаас 71 дэх минутад Айяла нэгийг оруулж, ойртуулжээ. Ингэснээр Колумб 6 оноотой хэсгээ ганцаараа тэргүүлж байгаа бол Парагвай 1 оноотой гуравт бичигдэж байна.
Нөгөө талд АНУ-ын шигшээ баг Коста-Рикатай тоглож, 4:0-ээр буулгаж авлаа. Ингэснээр 3 оноотой болж, хоёрдугаар байрт бичигдэж байна. Мөн хэсгээс гарах боломжтой болж ирж байгаа юм. Тоглолтын 9 дэх минутад Демпси торгуулын цохилтоос тооны харьцааг нээсэн. Улмаар 37 дахь минутад Жонс нэгийг нэмсэн бол Вуд 42 дахь минутад багийнхаа гурав дахь гоолыг оруулжээ. Харин 87 дахь минутад Зуси эцсийн цэгийг нь тавьж, багтаа ялалт авчирчээ.
Сэтгэгдэл байхгүй байна.