АНУ-д нас баралтын тоо сүүлийн арван жилд анх удаа өссөн үзүүлэлттэй гарсан байна.  

 

Ийнхүү нас баралт өсөх болсон шалтгаан нь хүмүүс хар тамхийг хэтрүүлэн хэрэглэх, амиа хорлох болон Альцгеймерын өвчин /зөнөглөх өвчин/ зэрэгтэй холбоотой юм. Эрүүл мэндийн статистик судалгааны үндэсний төвөөс гаргасан тайланд дурдсанаар, нас баралт өсч байгаа нь тус улсад эрүүл мэндийн тогтолцоо муу байгаагийн илрэл байж магадгүй аж.

2014 оны байдлаар, 100 мянган хүн тутамд 723 нас баралтын тохиолдол бүртгэгдэж байсан бол өнгөрсөн онд 729 болсон нь сүүлийн 25 жилийн хугацаанд нас баралт өссөн цөөн хэдэн тохиолдлын нэг юм.

Нас баралтын хувь бага боловсролтой кавказ гаралтай иргэдийн дунд өндөр байгаа юм. Учир нь, тэд мансууруулах бодисыг хэт ихээр хэрэглэдэг байна. Түүнээс гадна, хорт хавдар болон зүрхний өвчин нь америкчуудыг олноор нь үхэлд хүргэж байна.

Эдгээр өвчнөөр нас барагсдын тоо нь амиа хорлох болон хүн амины хэргийн улмаас амиа алдсан хүмүүсийн тооноос илүү байгааг дээрх тайланд дурджээ.