Оскарын шагналт жүжигчин Энн Хатауэй НҮБ-ын Эмэгтэйчүүдийн агентлагийг төлөөлөх Олон улсын сайн санааны элчээр сонгогдлоо.

 

Тус агентлагийн мэдэгдсэнээр, Хатауэй эмэгтэйчүүд болон охидын эрхийг хамгаалахын төлөө олон жилийн турш тэмцсээр иржээ. Мөн тэрбээр хүүхэд асрах үйлчилгээ, төрийн болон аж ахуйн нэгжид ажилладаг эцэг эхчүүд хүүхдээ хамтдаа асрах зэрэг хөтөлбөрийг хэрэгжүүлэхийн төлөө ажиллах юм.

НҮБ-ын Эмэгтэйчүүдийн агентлагийн дарга Фумзиле Мламбо-Нгкука өнгөрсөн лхагва гарагт "эхэд ногдуулдаг шийтгэл”-ийг буруушаасан юм. Ажиллах явцдаа ээж болсон эмэгтэйчүүд цалин хөлс болон ажлын байран дахь боломжуудыг алддаг. Хүүхэд өсгөхөд эцэг эх хоёулаа жинхэнэ ёсоор адил тэгш хариуцлага үүрэх хэрэгтэй гэсэн үзэл бодол олон нийтийн дунд хүчтэй яригдаж байгаа юм. 

Жүжигчин Хатауэй хэлэхдээ "эмэгтэйчүүдийн тэгш эрхийг хангахад оролцох боломж олдсон нь надад ихээхэн урам зориг өгсөн явдал байлаа. Хэдийгээр ахиц дэвшил их гарч байгаа боловч бид хамтдаа хүчин чармайлтаа эрчимжүүлснээр энэхүү тэгш байдлыг жинхэнэ ёсоор бий болгож чадна” гэлээ.

Өдгөө 33 настай Хатауэй "Les Miserables” гэдэг кинонд бүтээсэн дүрээрээ 2013 онд Оскарын туслах дүрийн шилдэг эмэгтэй жүжигчний шагналыг хүртэж байжээ.