Сирийн асуудлыг шийдвэрлэхэд хамтран ажиллахыг АНУ, ОХУ-д уриаллаа

0

 

Сирийн асуудлыг шийдвэрлэхэд хамтран ажиллахыг АНУ, ОХУ-д уриаллаа

 

Гацаанд ороод буй Сирийн асуудлаарх энхийн хэлэлцээг сэргээхийн тулд хамтран ажиллахыг Сирийн асуудал хариуцсан НҮБ-ын тусгай төлөөлөгч АНУ болон ОХУ-д хандан уриаллаа.

 

Тусгай төлөөлөгч Стаффан де Мистура лхагва гарагт Сири дэх нөхцөл байдлыг НҮБ-ын Аюулгүйн Зөвлөлд танилцуулжээ.

Хоёрдугаар сард гал зогсоох хэлэлцээр байгуулсан боловч энхийн хэлэлцээ гацаанд орж, Сирийн засгийн газар болон сөрөг хүчнийхний хооронд байлдааны ажиллагаа ширүүссээр байна. Энэ нь НҮБ-ын Аюулгүйн Зөвлөлийн тогтоолын дагуу наймдугаар сар гэхэд Сирид улс төрийн шилжилт хийнэ гэдэгт эргэлзэхэд хүргэж байгаа юм.

НҮБ-ын төлөөлөгч сэтгүүлчдэд мэдэгдэл хийхдээ "Энхийн хэлэлцээ дахиад бүтэлгүйтэх явдлыг хүлээн зөвшөөрч болохгүй” гээд "гал зогсоох хэлэлцээр бол АНУ болон ОХУ-ын зүгээс шахалт үзүүлсний үр дүн” гэжээ.

Тэрбээр хэлэхдээ "ирэх есдүгээр сар гэхэд энхийн хэлэлцээний ерөнхий тойм төлөвлөгөөг боловсруулах хэрэгтэй” гэжээ. Есдүгээр сард НҮБ-ын Ерөнхий Ассамблей хуралдахаас гадна "Их-20” бүлгийн Дээд хэмжээний уулзалт болох юм. Эдгээр уулзалтад НҮБ-ын Ерөнхий нарийн бичгийн дарга Бан Ги Мүн, АНУ-ын Ерөнхийлөгч Барак Обама болон ОХУ-ын Ерөнхийлөгч Владимир Путин оролцох гэж байна.

НҮБ-д түүхэн үүрэг даалгавар ногдоод байна гэж тэрбээр хэлээд "Сирийн аймшигт мөргөлдөөнийг зохицуулахын тулд НҮБ чадах бүхнээ хийнэ” гэжээ.


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.