Иракт НҮБ 3 дугаар зэргийн онцгой байдал зарлав
НҮБ. /NHK/. Иракийн хүмүүнлэгийн
хямралын байдлыг онцгой байдлын хамгийн дээд түвшнээр НҮБ тодорхойлж,
илүү хамтран ажиллахыг олон улсын хамтын нийгэмлэгт уриаллаа.
Иракийн хойд нутгийн суннитын босогчид шашны цөөнх язидичуулыг хавчиж шахсаар байна.
НҮБ-ын мэдэгдсэнээр, энэ сард 200 мянга гаруй хүн дүрвэж, олон хүн уулархаг бүсэд гарах гарцгүй болжээ.
Үүнтэй холбогдуулан Иракийн хямралыг НҮБ онцгой байдлын гуравдугаар зэргээр тодорхойлсон байна. Тус улсаас гадна гурав улсад, тодруулбал, Сири, Өмнөд Судан болон Төв Африкийн Бүгд Найрамдах Улсын байдлыг НҮБ онцгой байдлын гуравдугаар зэргээр тодорхойлсон байдаг юм.
НҮБ-ын Ерөнхий нарийн бичгийн даргын Иракийн асуудал хариуцсан тусгай төлөөлөгч Николай Младенов Иракийн байдлыг "хүмүүнлэгийн хямралын ирмэгт тулж очиж, улам төвөгтэй болж байна” гэжээ.
Г.Доржханд
montsame