Монголын ширэн бээлийтэнүүд "Ялагдах эрхгүй" тэмцээнээ үргэлжлүүлсээр
Риогийн
олимпод манай зургаан ширэн бээлийтэн өрсөлдөж байгаагаас Азийн наадмын
аварга Доржнямбуугийн Отгондалай өнөө өглөө тоглолтоо хийн Нидерландын
Э.Лакрезыг 2:1 харьцаагаар буулган авч ялалт байгууллаа. Тэрбээр Бямба
гарагийн өглөөний 06:00 цагт Алжирын Р.Бенбазизтай хүрэл медалийн төлөө
тулалдах гэж байна.
Тэгвэл өнөөдөр манай шилдэг хоёр тулаанч рингэнд гарахаас 64 кг-ын жинд Б.Чинзориг Катарын Туласи Тарумалингамтай 00:15, Э.Цэндбаатар /56/ үүрийн 05:45 минутаас Кенийн Бенсон Гичару Нжангирутай тулалдах аж.
Маргааш Бямбын Түвшинбат 00:45 минутаас Ирландын Стивен Жерард Доннеллитой тулалдана. Түүнийг ялах аваас хүрэл медалийн төлөө өрсөлдөх эрхтэй болно.
Харин Хархүүгийн Энх-Амар Мексикийн Элиас Элисео Эмигдо Абаркатай Ням гарагт үүрийн 05:45 минутаас эхний тулаанаа хийх юм.
Хамгийн хөнгөн жин 49 кг-д Г.Ган-Эрдэнэ тэмцээнээ дуусгасан байгаа билээ.
Ч.Амар
Сэтгэгдэл байхгүй байна.