Хичээлийн шинэ жилтэй  холбоотойгоор  БНХАУ-ыг зорих иргэдийн тоо эрс нэмэгддэг билээ. Үүнээс үүдэж хуурамч мөнгөн дэвсгэртийн асуудал их гарч байгааг цагдаагийн ерөнхий газраас мэдээлэв.

1999 болон 2005 онд үйлдвэрлэгдсэн хуурамч  100, 50  Юанийн дэвсгэрт гадаад орнуудад ихээр тархаад байгаа аж.  Тиймээс мөнгөн дэвсгэрт солиулахдаа баталгаатай газар хандаж, сайтар шалгаж авахыг анхааруулж байна. 2005 оны Юаныг цаасан дээр үрэхэд будаг гардаг бол хуурамч дэвсгэртээс гардаггүй гэнэ. Мөн нүүрэн талын доорх ногоон өнгөөр гялалздаг 100 гэсэн тооны өнцгийг өөрчлөөд харахад бор саарал болж хувирдаг бол хуурамч дэвсгэртийн тооны өнгө өөрчлөгддөггүй аж.