Өнгө өнгийн өлгүүр хувцасны шүүгээнд аятайхан харагддаг ч тэдний хэлбэр хувцсанд хэв гаргаад байвал хамгийн энгийн өлгүүрийг сонгоорой.

Зарим хувцасны өлгүүрт зориулсан энэ дотуур уяас хүмүүс хэрхэхээ мэдэхгүй, байлгасаар байдаг. Үнэндээ энэ заавал байх шаардлагагүй бөгөөд олны өмнө гаргаж ичмээр байдалд орж байснаас авсан даруйдаа огтлоод хаячих хэрэгтэй.

Ер нь дэлгүүрүүд даашинзтай хамт бүсийг нь зардаггүй. Зарсан ч хамгийн хямдхан бүсийг санал болгодог учир худалдан авагчид нь тийм л бүстэй хослуулах ёстой мэтээр ойлгодог. Гэвч чанартай сайн бүс хэзээ ч үнээ алдахгүй сайн чимэглэл болдог учир даашинз дээрээ хамгийн дэгжин бүсийг сонгож байгаарай.

Үнэтэй гутал авсан ч анхнаас нь арчлахгүй бол ахин өмсөх аргагүй болно шүү.

Зарим хувцсанд зориулалтын бус нарийнхан уяагаар хийсэн бүс тогтоогч байдаг. Нэгэнт энэ нь зориулалтын биш учраас түүгээр нь бүсээ оруулах биш, харин дарж зүүх ёстой юм. Эсвэл бүр аваад хаячих хэрэгтэй. Энэ нь бүсээ энэ хэсгээр зүү гэснийг зааж өгснөөс биш бүсээ тогтоох зориулалтын эд биш юм.

Зарим хүрэмний онооны оёог аваагүй дэлгүүрийн лангуун дээр худалдаалах нь бий. Харин зарим хүн үүнийг ийм л байх ёстой мэтээр ойлгодог. Гэхдээ энэ нь үйлдвэрээс дэлгүүр хүртэл тээвэрлэлтийн явцад үрчийж, хэвээ алдахаас сэргийлсэн хэрэг. Тиймээс хэрэв шинэ хүрэм тань оёотойгоо ирвэл задлах хэрэгтэй.

Зарим хүрэмний ханцуй дээр бичсэн байдаг дизайнерын шошгыг авч байх хэрэгтэй. Энэ нь дэлгүүрт худалдаалдаг олон янзын хүрмээс амархан ялгаж харахын тулд тавьдаг шошго бөгөөд нэгэнт худалдаад авчихсан бол авч байх хэрэгтэй.

Хэрэв таны шүүгээ эхний зурагтай ижилхэн байдалтай байдаг бол та ямар ч сайхан хувцастай байгаад яаралтай үед өөрийгөө гоёход бэрх байх болно. Шүүгээгээ эмх цэгцтэй байлгах нь хувцсаа анхны хэвээр нь хадгалахад хамгийн чухал. Хэрэв  хувцас тань багтахгүй байгаа бол өмсдөггүй хуучин хувцсаа гаргаж, шүүгээндээ амь амьсгал оруулах хэрэгтэй.