Парламентын саналгүйгээр Brexit-ийг Мэй эхлүүлж магадгүй
Их Британийн Ерөнхий сайд Тереза Мэй Европын холбооноос гарах урьдчилсан санал хураалтыг парламентад явуулахгүйгээр шууд Лиссабоны гэрээний 50-р заалтад хандаж магадгүйг "Telegraph” сонин өөрийн эх сурвалжийн мэдээнээс ишлэн мэдээлжээ.
Сонин тэмдэглэснээр, Мэй Засгийн газрын хуульчидтай зөвлөлдсөн ба Ерөнхий сайд гүйцэтгэх засаглалын төлөөлөгч учраас шууд 50-р зүйлд хандан Британийн ЕХ-ноос гарах албан ёсны үйл ажиллагааг парламентын саналгүйгээр эхлүүлж болно хэмээн тэд зөвлөжээ. "Их Британийн оршин суугчид саналаа өгсөн учраас Ерөнхий сайд одоо Их Британийг ЕХ-ны гишүүнээс гаргах үйл ажиллагааг үргэлжлүүлэх ёстой гэж тэр мэдэрч байгаа” гэсэн эх сурвалжийн яриаг сонин иш татжээ.
Британийн Засгийн газар холбооноос гарах үйл ажиллагааг эхлүүлэх бэлтгэлд цаг хугацаа шаардлагатай гээд Лиссабоны гэрээний 50 заалтыг хэрэгжүүлэхийн тулд урьдчилсан хэлэлцээр явуулах санал тавьж байлаа. Гэвч Европын холбоо нь урьдчилсан хэлэлцээр хийлгүйгээр Brexit-ээ эхлүүлэхийг Британиас шаардаж байгаа юм. Ирэх оны эхээр Британи ЕХ-ноос гарах өрөгдлөө албан ёсоор Брюссель өгнө гэсэн мжджж өмнө нь гарч байсан юм. Их Британид зургадугаар сарын 23-нд ЕХ-нд гишүүн байх эсэх асуудлаар (Brexit), бүх нийтийн санал асуулга явагдан британийчуудын 51,9 хувь нь ЕХ-ноос гарах саналыг дэмжсэн юм.
Эх сурвалж:
Сэтгэгдэл байхгүй байна.