Узбекистан улсын ерөнхийлөгч Ислам Каримовын тархинд цус харвасны улмаас амьсгал хураажээ. Тэрээр  цус харвалтын дараа хэсэг хугацаанд эмнэлэгт хэвтсэн ч ухаан оролгүй өөд болсон байна.

 

Каримовын биеийн байдал тааруу байгаа тухай анх түүний гэргий Лола Каримова инстаграм хуудастаа бичсэн бөгөөд талийгч нөхөр нь 78 настай байсан юм. Ислам Каримов 1991 оноос хойш Узбекистаны төрийг тэргүүлсэн билээ. Хуучны пост-коммунист орнуудын нэг Узбекистан улс дарангуйлагчаасаа салж чадалгүй 20 шахам жил явсаар байсан.

Харин одоо Каримовын орыг хэн залгах нь тун сонирхолтой байна.  Үүний зэрэгцээ Узбекистаны засгийн газрын өндөр албан тушаалтнууд яаралтай хуралдах тухай тов зарласан гэж яригдаж эхэлжээ.

Каримовын эрүүл мэндийн байдал өчигдрийг хүртэл олон нийтэд нууц байсан аж.