Замын цагдаагийн газрын ЖШУХ дээр нийт 308 дуудлага, мэдээ мэдээлэл хүлээн авснаас, зам тээврийн ослын 245 дуудлага бүртгэгдсэн байна.

 

 

Үүнээс гэмт хэргийн шинжтэй гомдол мэдээлэл 15 бүртгэгдэж,  15  хүн хүнд, хөнгөн гэмтсэн байна.  Хүүхэд өртсөн зам тээврийн осол 8  үүнээс сургуулийн өмнө насны 2, сургуулийн насны 6 хүүхэд байна. Согтуугаар тээврийн хэрэгсэл жолоодсон 37 жолоочийг илрүүлж гарч болзошгүй осол  хэргээс  урьдчилан сэргийлж ажилласан байна.

 

Согтуу жолооч  хичээлийн эхний өдөр хүүхэд дайрчихаад, зугтжээ

 

Хичээлийн эхний өдөр согтуу жолооч хүүхэд дайрчихаад, зугтжээ. Тухайлбал: БГД-ийн нутаг Хасбаатарын гудамж, Ерөнхий боловсролын 13 дугаар сургуулийн хойд  гарцан ддээр T.Crown маркийн авто машины жолооч  нь явган зорчигч 08 настай эрэгтэй Т-г мөргөж гэмтээн ослын газрыг орхиж явсан.

 

БЗД-ийн нутаг Гэр хорооллын зам, Мэнгэт хүнсний дэлгүүрийн баруун замд T.Prius маркийн авто машины жолооч нь явган зорчигч 11 настай эрэгтэй П-г мөргөж гэмтээн хэргийн газрыг орхиж явсныг илрүүлэн жолооч А нь согтууруулах ундааны зүйл хэрэглэсэн үедээ тээврийн хэрэгсэл жолоодон үйлдсэн болно.

 

 9 сарын 1-нд 8 хүүхэд осолд өртсөнөөс 3 нь хичээлээ тараад асран хамгаалагчгүй явж байжээ

 

Өчигдөр буюу 2016 оны 09 дүгээр сарын 01-ний өдөр зам тээврийн осолд өртсөн 8 хүүхдээс 3 хүүхэд нь хичээлээ тараад асран хамгаалагчгүй  замын хөдөлгөөнд оролцож байх үедээ бэртэж гэмтсэн байх тул  Монгол улсын ЗХАБТХ-ийн 13.2.7 -д заасан заалтын дагуу асран хамгаалагч, тухайн сургуулийн багш, захирал, эцэг эхийн эргүүлээр ажиллаж байсан хүмүүст хуульд заасны дагуу хариуцлага тооцуулахаар шалгалтын ажлыг эхэллээ.

 

Хөдөө орон нутагт: Өмнөговь аймгийн Даланзадгад сумаас Улаанбаатар хот руу явах чиглэлд 8 дахь км-т S.Musso маркийн авто машин замын хажуу руу онхолдож 45 настай эрэгтэй Т-ийн амь нас хохирсон байна.