Бразилийн Рио-де-Жанейро хотноо Зуны XV паралимпийн наадам үргэлжилж байна. Өнөөдөр харааны бэрхшээлтэй иргэдийн жүдо бөхийн төрөлд Монголын хоёр тамирчин өрсөлдсөнөөс Б.Ууганхүү хүрэл медаль хүртэж Монгол түмнээ баясгалаа. Тэрбээр эрэгтэй 60 кг-ын жинд өрсөлдсөн юм. Б.Ууганхүү медалийн төлөөх шийдвэрлэх барилдаанд Азарбайжаны бөхийг эхний дөрвөн секундэд цэвэр ялж, паралимпийн медальтан боллоо. Азарбайжаны бөх "Бээжин 2008" хүрэл, "Лондон 2012" алтан медальт бөх юм.

Болормаа УУГАНХҮҮ товч намтар

1991.02.01, Дорноговь аймгийн Сайншанд
Жиндээ чансаагаараа 11-т бичигдэн эрхээ авсан
"Инчён 2014” Азийн паралимпийн мөнгө
2014 оны ДАШТ-ий V байр
Дасгалжуулагч: ОУХМ Ч.Базарсүрэн, ОУХМ Б.Нарантуяа
Үндэсний шигшээ баг, ОУХМ
Анхны багш: Я.Дорж, О.Болдбаатар
Жцү-жицүгийн "Гаруда” клуб