Виктория Бекхэмийн 18 настай өөртөө зориулж бичсэн захидал
Виктория Бекхэмийг "Spice Girls”-ын загварлаг "халуун ногоо” байсан, өдгөө дэгжин бүсгүй болсон гэдгээр нь мэднэ. Гэхдээ "Пош-Спайс” асан, одоогийн дэлхийн алдарт дизайнер, аз жаргалтай гэргий, дөрвөн хүүхдийн эх хэзээ нэгэн цагт нүүрэндээ батгатай, 3-4 кг илүүдэл жинтэй, өөртөө итгэлгүй охин байсныг мэдэх хүн бараг үгүй.
Тэрбээр саяхан "Vogue” сэтгүүлд 18 настай өөртөө хандаж хэлсэн үгээ нийтлүүлжээ. "Би тэр үед юу мэдэх ёстой байсан бэ” нэртэй энэхүү нийтлэлд Бекхэм уншигчдынхаа өмнө сэтгэлээ нээж, хамгийн нандин гэсэн нууцуудаа хуваалцжээ. Түүнчлэн нөхөртэйгөө хэрхэн танилцаж, дурлаж байснаа ч бичсэн байна.
Энэхүү нандин захидлыг амьдралдаа сэтгэл дундуур байдаг, жинхэнэ хайраа хэзээ ч олж чадахгүй нь хэмээн гуниглаж шаналдаг залуу охид уншаасай хэмээн хүсч байна. Үнэхээр үнэ цэнтэй, сургамж болох захидал гэдэгт эргэлзэхгүй байна.
"Одоо чамд хэцүү байгааг би ойлгож байна. Чи хамгийн хөөрхөн, хамгийн гоолиг биетэй нь биш. Бас чи коллеждоо хамгийн сайн бүжиглэдэг нь ч биш. Чи арьсны маш том асуудалтай. Найруулагч чамайг төгсөлтийн жүжиг дээрх бүжигчдээс хамгийн сүүлчийн эгнээнд зогсоож, нил ялгаан иртүүзээр хийсэн аймшигт бие барьсан хувцас өмсөхийг шаардаж байгаад чи шаналж суугаа. Яагаад гэвэл чи эхний эгнээнд зогсоход хэтэрхий тарган харагдана.
"Spice Girls”-той галзуутай амжилтад хүрч, мөрөөдлийнхөө залуутай учрах чинь тун ойрхон, булан тойроод л байна. Гэхдээ өөртөө итгэлгүй 18 настай охин үүнийг мэдэхгүй. Бас удахгүй чамин тансаг, латексаар хийсэн Муур эмэгтэйн костюм гээд ер бусдын өвөрмөц даашинз өмсөнө гэдгээ ч мэдэхгүй. Түүнтэй чи эвгүй харагдана гэдэг нь чухал биш.
Он жилүүд өнгөрч, "Spice Girls”-ын бяцхан охин өөрийгөө хайрлаж сурч, өөрийгөө ийм байна, тийм байна гэж голохоо болино. Ичимхий бүрэг зан эрх чөлөөг хязгаарладаг юм шүү. Жишээлбэл, өөрийн хүсэл сонирхлоороо хувцаслах эрх чөлөө гэж бий. Чи нас ахиад ирэхээрээ өндөр өсгийтэй туфлиэ тайлж, илүү эвтэйхэн гутал углаж сурна. Бас богино даашинзтай шүүгээгээ үлдээгээд биед эвтэйхэн цагаан футболк өмсдөг болно. Гэсэн ч загварын мэдрэмж чинь үүрд үлдэнэ. Тэгээд ч чи гадагш гарахдаа хэзээ ч дөнгөж унтаад босч ирсэн хүмүүстэй адил болохгүй.
Хөлбөмбөгийн тухай илүү ихийг мэдэж аваарай. Тийм ээ, анхны харцаар дурладаг юм шүү. Чи "Манчестер Юнайтед”-ын тоглогчдын амралтын бүсэд ирээд л гэнэт түүнийг мэдэрнэ. Чи хайраа хэрхэн олсноо ч санахгүй. Учир нь чи бага зэрэг согтуу байх болно. Хөлбөмбөгчид бааранд найзуудтай ууж зогсоход чи тэднээс зайдуухан гэр бүлийнхэнтэйгээ л ярилцах Дэвидийг олж харна.
Тухайн үед тэр багийн үндсэн бүрэлдэхүүнд ч ороогүй байхад харин чи аль хэдийнэ алдар нэртэй болсон байх болно. Тэр маш сайхан инээмсэглэдэг. Чиний хувьд гэр бүл түүний гэр бүлээ үнэлдэг шиг чухал. Тиймээс чи түүнтэй ижил төстэй олон чанаруудтай юм байна гэж бодно. Тэр чамаас утасны дугаарыг чинь гуйна. (Тэр одоо ч чиний утасны дугаараа бичиж үлдээсэн онгоцны тасалбарыг хадгалдаг юм шүү)”.
Заримдаа бид "Хэрвээ би өнгөрснийг өөрчилж, цаг хугацааг эргүүлж чаддагсан бол” хэмээн боддог шүү дээ. Харамсалтай нь, энэ бол боломжгүй зүйл юм. Тэгэхээр бид яагаад бусдын алдаан дээр суралцаж болохгүй гэж.
Сэтгэгдэл байхгүй байна.