“Ливерпүүл”-ийн 121 жилийн дараах амжилт
Английн алдарт "Ливерпүүл” клуб 2016-2017 оны улирлын эхний 8 тоглолтдоо 24 гоол оруулаад байна. Хамгийн сүүлд өнгөрсөн шөнө "Халл”-ыг талбайдаа 5:1-ээр бутниргэсэн билээ.
Энэ нь 121 жилийн өмнөх амжилттай дөхөж очсон үзүүлэлт болж байгаа ажээ. Тэртээ 1895-1896 оны улиралд "Ливерпүүл” эхний 8 тоглолтод 34 гоол оруулж, гайхалтай амжилтыг үзүүлж байж. Тэгвэл энэ улиралд 100 гаруй жилд байгаагүй өндөр амжилттайгаар улирлыг эхлүүлж, одоогоор дөрөвдүгээр байрт бичигдэж байгаа билээ.
Багийн шилдэг мэргэн буучаар Коутиньо нэрлэгдэж байна. Тэрбээр бүх тэмцээнд дөрвөн гоол оруулаад байгаа юм. Мөн премьер лигт Мане, Лаллана, Милнер, Коутиньо нар тус бүр 3 гоол оруулсан билээ.
Н.Болд
Mminfo.mn
Сэтгэгдэл байхгүй байна.