Нэр дэвшигчид өнөөдөр үнэмлэхээ гардан авна
Сум, дүүргийн ИТХ-ын 2016 оны ээлжит сонгууль ирэх аравдугаар сарын 19-ний лхагва гарагт болно. Энэ удаагийн сонгуулиар 21 аймгийн 1613 баг, нийслэлийн есөн дүүргийн 152 хорооноос нийт 7282 төлөөлөгч сонгогдох юм. Эдгээр 7282 мандатын төлөө өрсөлдөхөөр 15212 нэр дэвшигч бүртгүүлснээс улс төрийн нам, эвслээс 14489 нэр дэвшигч бие даагч 723 нэр дэвшигч байгаа юм.
Сум, дүүргийн ИТХ-ын сонгуульд МАН, АН, ИЗНН, Монголын ногоон нам, Бүгд найрамдах нам, МАХН, Эх орон нам, МҮАН, ХҮН, АН-МАХН-ын "Төв нутаг" эвсэл зэрэг оролцохоор бүртгүүлжээ.
Сонгуульд нэр дэвшигчдийн үнэмлэхийг Сонгуулийн тухай хуульд заасны дагуу санал авах өдрөөс 22 хоногийн өмнө буюу өнөөдөр гардуулна. Сонгуулийн сурталчилгаа ирэх сарын 1-ны өдөр эхэлж 17-нд дуусах юм.
Сэтгэгдэл байхгүй байна.