Нью-Йоркийн ойролцоо зорчигч тээврийн галт тэрэг замаасаа гарчээ
Нью-Йорк хотын ойролцоо зорчигч тээврийн галт тэрэг замаасаа гарсны улмаас олон арван хүн гэмтэж бэртсэн тухай АНУ-ын албаны хүмүүс мэдэгдлээ.
Орон нутгийн цагаар бямба гарагийн 21:00 цагийн орчимд "Long Island Rail Road” компанийн 12 вагон бүхий галт тэрэг төмөр замын засварчдын галт тэргийг мөргөн замаасаа гарчээ. Зорчигч тээврийн галт тэрэг 600 орчим хүн тээвэрлэн явж байжээ.
Гэмтэж бэртсэн 29 хүнийг эмнэлэгт хүргэжээ. Тэдний яс нь хугарч, тархи нь хөдөлсөн байна.
Өнгөрсөн сард тус улсын зүүн нутгийн Нью-Жерси муж улсын галт тэрэгний буудалд зорчигч тээврийн галт тэрэг осолдсоны улмаас нэг эмэгтэй амиа алдаж, 100 гаруй хүн гэмтэж бэртсэн билээ.
Сэтгэгдэл байхгүй байна.