Олны танил хүмүүсийн зургийг дарж, түүнийгээ сэтгүүлд худалдан мөнгө олдог хүмүүсийг папарацчид гэдэг. Ингэж явахдаа зодуулах, камераа эвдүүлэх тохиолдол энүүхэнд ч тэдний авсан нэг ширхэг зураг хэд хүрдгийг уншигч та мэдэх үү.

 

Найман жилийн өмнө Жонни Депп, Брэд Питт нарын холливудын алдартнуудын зургийн авдаг папарацчдын жилийн орлого нь 500 мянган ам.долларт хүрдэг байжээ. Харин жил ирэх тусам тэдний  орлого багасах болсон байна.

Ганцхан жишээ дурьдахад, Брэд Питт, Анжелина Жоли нарын хамтдаа амарч яваа ганцхан ширхэг зураг 250 мянган ам.доллароор зарагдаж байсан удаа ч бий гэнэ. "Роллинг Стөүн” сэтгүүлийн хувьд  гэхэд Кедалл Женнерийн зургийн 100-1000 ам.доллар, Ким Кардашианы зургийг 1000 ам.доллар, Кэйт Миддлтон ханхүү Уильямс  нарын зургийг 2000 ам.доллароор үнэлдэг байна.

Хэдийгээр нэг зураг нь ийм хэмжээний үнэ хүрэх хэдий ч, папарацийн ажил гэдэг нэлээд хүнд гэнэ. Аль нэг байгууллагад харъяалагдахгүй, өдөржин олны танил хүмүүсийн араас мөшгинө. Мөн өөр хүмүүсийн авч чадаагүй зургийг камерныхаа хальснаа буулгахын тулд цаг наргүй ажилладаг аж. Гэхдээ ингэж яваад амиа алдах тохиолдол ч бий. 2013 онд Жастин Биберийн машины зургийг авч байсан 28 настай зурагчин залуу өөр нэгэн машинд дайруулан амь үрэгдсэн тохиолдол ч гарч байлаа.

Mminfo.mn