Төрийн орон сууцны корпорац /ТОСК/-ийн захирлаар ажиллаж байсан А.Гантулгыг АТГ-аас шалгаж эхэлсэн гэх мэдээлэл гарч эхэлсэн билээ.

Түүнийг ТОСК-ийн захирлаар ажиллах хугацаандаа танил талдаа давуу байдал олгож, их хэмжээний мөнгө үрэн таран хийсэн гэх мэдээлэл байна.

Тодруулбал, нэг тэрбум төгрөг зувчуулж, ТОСК-д онц их хэмжээний хохирол учруулсан гэсэн үндэслэлээр буруутгасан гэх.

Харин энэ талаар АТГ-аас тодруулахад "Өнгөрсөн долоо хоногт шинээр хоёр хэрэгт эрүүгийн хэрэг үүсгэн шалгаж эхэлсэн байгаа.

ТОСК-ийн захирлаар ажиллаж байсан А.Гантулгыг албан тушаал, авлига хээл хахуулын хэрэгт холбогдуулан шалгаж байгаа нь үнэн. Хэргийг дөнгөж шалгаж эхэлж байгаа учраас илүү дэлгэрэнгүй мэдээлэл алга байна” гэлээ.

О.Сайхан

Эх сурвалж: Zaluu.com