Скарлетт Иоханссон попкорны дэлгүүр нээнэ
Холливудын чадварлаг эмэгтэй жүжигчдийн нэг Скарлетт Иоханссон тансаг зоогны хот гэгддэг Францын Парис хотноо попкорны дэлгүүрээ нээхээр болжээ. Уг дэлгүүрт зарагдах попкорн буюу эрдэнэ шиш нь амт, чанараараа бусад энэ төрлийн үйл ажиллагаа явуулдаг байгууллагаас ялгарах гэнэ. Мөн Парист эдүгээ амьдарч буй Скарлеттынх гэдгээрээ онцлог байх нь мэдээж.
Бүсгүй дэлгүүрээ "Yummy Pop” гэж нэрлэсэн бөгөөд маргааш Марайс дүүрэгт нээлт нь болох ажээ. Харин менюг нь Скартлетт болон түүний нөхрийн Нью-Йорк дахь хэд хэдэн зоогийн газруудын ерөнхий тогоочоор ажилладаг Уилл Норовиц гаргах гэнэ.
Сүүлийн үед Парист америк хоол дэлгэрч эхэлсэн бөгөөд сүүлийн үеийн судалгаагаар рестораны менюнд бичигдсэн хоолнуудын 70 орчим хувийг америк хоол эзэлдэг гэсэн тооцоо гарчээ.
Mminfo.mn
Сэтгэгдэл байхгүй байна.