Ардчилсан хөдөлгөөний анхдагчдын зөвлөлөөс санаачлан"Үндсэн хууль”-ийн өөрчлөлттэй холбоотой уулзалт, хэлэлцүүлгийг 2016. 10. 21 зохион байгууллаа. Уг уулзалтандМонголын ахмадын холбоо, Монголын эмэгтэйчүүдийн холбоо, Монголын залуучуудын холбоо, Монголын үйлдвэрчний эвлэл зэрэг иргэний нийгмийн байгууллагууд, их дээд сургуулийн эрдэмтэн багш нар, Үндсэн хуулийг анх баталж байсан Ардын Их Хурлын төлөөлөгчид мөн Монголы УлсынЕрөнхий сайд асан, гавьяат эдийн засагч Д.Содномзэрэг салбар бүрийнхэн оролцсон юм.

Уулзалтаар үндсэн хуульд ямар нэгэн байдлаар суурь шинэчлэл хийх шаардлагатай хэмээн үзсэн байна. Түүнчлэн одоогийн улс орны хөгжил, өнөө өрнөж буй үйл явцуудад зайлшгүй эрх мэдлийн хуваарьлалт дээр үндсэн хуулиар өөрчлөлт хийх нь зүйтэй гэсэн шийдвэрт оролцогчид санал нэгдсэн аж.

Цаашид үндсэн хуулийг өөрчлөхтэй холбоотой ажлын хэсэг гаргах, ажлын хэсгээс гарсан санал санаачилгыг Ерөнхийлөгч, УИХ, Засгийн газарт хүргүүлэхээр болсон байна.

Үндсэн хуулийн өөрчлөлттэй холбоотой асуудлууд дээр залуучуудын эрх ашиг хэрхэн хөндөгдөх, цаашид улс орныг удирдаж авч явах, чиглүүлэх гол хүмүүс нь залуучууд гэдэг утгаараа Монголын Залуучуудын Холбоо өөрийн байр суурийг илэрхийлсэн.

Дараа дараагийн хэлэлцүүлэг дээр Монголын Залуучуудын Холбоо өндөр ач холбогдол өгч, илүү өргөн хүрээг хамруулсан хэлэлцүүлэг зохион байгуулж, идэвхитэй оролцохоо илэрхийлээд байна.