Аюултай ачаа тээвэрлэхдээ ЦЕГ-аас зөвшөөрөл авдаг боллоо
Аюултай ачаа тээшийг тээвэрлэхдээ Цагдаагийн ерөнхий газраас урьдчилан зөвшөөрөл авсан байх ёстой аж. Энэхүү зөвшөөрлийг хүсэхдээ тухайн аж ахуйн нэгж, байгууллага хүсэлтээ гаргаж аюултай ачааны техникийн нөхцөл стандартыг ажилтнууддаа танилцуулсан тухай хуудсыг ачааны фото зурагтай хавсарган ЦЕГ-ын Лицензын төвд хандах юм байна.
Өнгөрсөн долоо хоногт МИАТ-ийн хүлээлгийн танхимд аюултай тээш байна гэсэн мэдээллийн дагуу хөл хорио тогтоон шалгасан явдал гарч багагүй шуугиан дэгдээсэн юм. Учир нь тээшинд цахилгааны үүсгүүр, тестер, багаж хэрэгсэл байсан нь тээшийг аюултай гэж үзэхэд хүргэсэн байна.