Америкийн Калифорни мужид гэдсэн тус газраараа нийлж төрсөн сиамын ихэр охидыг салгах мэс засал амжилттай хийжээ. 2  настай бяцхан охидыг салгах мэс засал 17 цаг үргэлжилсэн байна. Охидын биеийн байдал сайн байгаа гэж эмч нар ярьжээ. Эрика болон Ева Сандовал нэртэй охидыг салгах мэс заслыг Калифорнийн Пало-Альто дахь Стэнфордын их сургуулийн эмч мэргэжилтнүүд амжилттай явуулсан байна. Сиамын ихэр охид доод биеийнхээ дийлэнх хэсгээр залгаатай төрсөн учраас тэднийг салгах мэс засал хүнд байжээ. Охид дундаа нэг элэгтэй, нэг шээсний сүвтэй, 3 хөлтэй төрсөн байна. Эмч нар охидын дундаа ганц байсан эрхтэнүүдийг нь хуваасан байна. Охидыг эмчийн хяналтанд эрчимтэй эмчилгээний тасагт 2 долоо хоног хэвтүүлж, цаашид нөхөн төлжих үйл явцыг эхлүүлэх гэнэ.