Энэ сарын 29-ны өдөр бүх нийтээрээ амарна. Тодруулбал нийтээр тэмдэглэх баярын болон тэмдэглэлт өдрүүдийн тухай хуульд эл өдрийг Үндэсний эрх чөлөө, тусгаар тогтнолоо сэргээсний баярын өдөр хэмээн нийтээр тэмдэглэх баярын өдөр болгосон билээ.

Энэ өдөр Монголчууд үндэсний эрх чөлөөний хөдөлгөөн өрнүүлж, Манжийн дарлалаас салж, Богд хаант Монгол Улсыг байгуулсны 105 жилийн ой тохиох юм.

Үүнээс гадна ирэх жилийн нэгдүгээр сарын 1-ний өдөр амралтын өдөр буюу ням гаригт таарч байгаа учраас бүх нийтийн амралтын өдрийг нөхөж амрах буюу энэ сарын 30-ий өдөрт шилжүүлэх эсэх санал асуулгыг Засгийн Газрын хэвлэл мэдээлэл, олон нийттэй харилцах хэлтсийн дарга Г.Отгонбаяр өөрийн цахим хуудастаа нийтэлсэн. Хэрэв энэ асуудлыг олон нийтийн сүлжээгээр дэмжвэл Засгийн газрын хуралдаанаар хэлэлцэн, амралтын өдрийг шилжүүлэх боломжтой юм байна. news.mn