Америкийн кино жүжигчин Стивен Сигал саяхан Андрей Малаховын "Пусть Говорят” телевизийн ток шоунд оролцож, өөрийн  удам судрын тухай дэлгэрэнгүй ярилцлага өгчээ. Сигал "би саяхан өөрийн ДНК шинжилгээний дүнг хүлээж авсан. Ингэхэд генетикийн хувьд би Буриад, Якутын холимог гаралтай болох нь батлагдсан. Байгал нуур бол манай дэлхийн хамгийн ариун дагшин газруудын нэг. Би энд аль болох их хугацаагаар баймаар байна” гэсэн байна. Харин түүний эхнэр Б.Эрдэнэтуяа нөхрийгөө дүгнэж хэлэхдээ  "Тэр гэртээ байхдаа тун зөөлөн, уян хүн. Кинон дээр гардаг шигээ зүйл хэзээ ч хийж байгаагүй” хэмээн хууч дэлгэсэн байна.