Өнөөдөр С. Зориг агсны амь насыг бүрэлгэсэн хэргийн шүүх хурал 18 жилийн дараа эхлэх гэж байна. Одоогийн байдлаар ШШГЕГ-ын харьяа цагдан хорих 461 дүгээр анги руу ордог зам дагуу цагдаагийн хамгаалалт гарсан байгаа бөгөөд шүүх хурал болох орчинд гар утасны сүлжээ унагаагч байршуулжээ.

Шүүх хурлыг 30 гаруй хэвлэл мэдээллийн байгууллагын 55 сэтгүүлч сурвалжлах юм. Сэтгүүлчдэд зөвхөн шүүх хурлын нээлт, хаалтыг сурвалжлах боломж олгосон. Прокурорын байгууллагаас С.Зориг агсныг амь насыг хөнөөсөн хэрэгт "Төрийн нууцад хамаарах баримт материал хэрэгт авагдсан" гэх шинжээчийн дүгнэлт гарсан учраас "маш нууц"-ын зэрэглэлд хамааруулж буйг мэдэгдсэн билээ.