АН-ын "ТҮЦ”-үүд хураагдаж, МАН-ын "ТҮЦ”-нүүд гарах уу "Дотроо бие засах газаргүй”гэсэн шалтгаанаар хэтэвч нимгэн хэдэн иргэдийн хэрэглээний барааг нь боломжийн үнээр хүргээд байсан хэдэн "ТҮЦ”-ийн минь хаачихлаа. Одоогоос хоёрхон жилийн өмнө АН гарч ирээд л"ТҮЦ”-үүд царай муутай байна гэж ад үзсээр 20 сая төгрөгөөр шинэчилсэн загвар нь энэ юм. Гэтэл МАН гарч ирээд ""ТҮЦ”-үүд бие засах газаргүй”байна гээд хураагаад эхэллээ. Нэг ёсондоо АН-ын гаргасан шахааны бизнесийг МАН үргэлжлүүлжбас нэг "ТҮЦ” гаргах юм байх. Тэр нь бие засах газартай байх биз. Тэгээд хотын төвд энд тэндгүй өмхий ханхалсан ТҮЦ-тэй болох биз. Хэдэнжилийн өмнө үйлчилгээний газар бүр бие засах газартай, тэр нь игэдэд үнэгүйүйлчлэх ёстой гэж яриад байсан. Гэтэл өнөөдөр "Монголд 00-той "ТҮЦ” битгий хэл банк ч ховор” гэж "Өдрийн сонин” үнэнг бичсэн байна билээ."Готов нь авна уу, Шадав нь авна уу” гэдэг шиг Батболдынх нь шахаа байна уу, Бат-Үүлийнх нь шахаа байна уу хамаа алга. Иргэд нь хэрэгтэй бараагаа арай хямдаар авчихдаг, "ТҮЦ” эрхлэгчид нь үйлчилгээгээ эрхлээд амиа зогоочихдог байвал уг нь хэрэгтэйсэн. Найдвартай чанартай гээд байгаа их дэлгүүрүүд болон сүлжээ дэлгүүрээр үйлчлүүлээд байх бэлтэй хүн ховор, "Болдоо” минь. Үүл”-ийн хийсэн бүхнийг устгах гэж байгаа бол ТҮЦ-ээ л үлдээчих. Тэгээд ч ер нь "ТҮЦ” бол түргэн үйлчилгээний цэг болохоос автобусны буудлын бие засах газар биш. Баах шээх чинь дийлдэхгүй байгаа бол "Хотын жорлон” гээд багагүй хэмжээний төсөвтэй шахааны бизнесээ хий л дээ. Жорлонгоос мөнгө олдог жор чинь ард түмэнд таалагдахгүй байна.