Нийслэл хот цасанд дарагдаж, халтиргаа гулгаа хэрээс хэтэрч байсан нь саяхан. Хотын дарга уран гулгалт хийж, ууц нуруугаа хугалсан иргэдийн гомдол саналд дарагдаж ашгүй нэг юм давс бодисынхоо асуудлыг шийдсэн.

Гэтэл одоо өнөөх замаас ачсан бодистой цасаа Баянзүрх дүүргийн 21-р хорооны нутаг дэвсгэрт Жамсран уулын хойно, Сэлбэ голын сав газарт асгаж байна гэнэ. Энийг ноён дарга та мэдсэн үү. Цаг дулаарч гол мөс гэсхэд өнөөх химийн бодис дүүрэн цас Сэлбэ голоор урсаж, суурьшлын бүсрүү ороод ирнэ. Амьсгалах агаар нь угаар болж, уух ус нь бохирдсон нийслэлчүүдэд ийм гай дутаагүйсэн. Эрхэм хотын даргаа. Улаанбаатарыг утаагүй болгож, ундны усаа цэвэр болгож, хог хаягдлаа цэгцтэй байлгаж чадахгүйгээс хойш, ядаж энэ мэтийн үйлдлээр ядсан иргэдээ битгий "хоролмаа”-даачээ.